Politics

ගෙන්දගම් හෙවත් සල්ෆර් පොළව

ලංකාවේ ආර්ථිකය සම්බන්ධයෙන් ජවිපෙ ප්‍රතිපත්තිය එවැනිය. ඔවුන්ට ආර්ථිකය ගොඩගැනීම සම්බන්ධයෙන් විසඳුමක් ලෙස ඇත්තේ, නාකින් ඉවත් කර තරුණ යයි තමන් විසින් නම් කරගෙන තිබෙන වයස හැත්තෑවට වැඩි ටිල්වින්, ගලප්පත්ති, කිතුලගොඩ වැනි අය, හැටට වැඩි ලාල් කාන්ත වැනි අය හා හැටට ආසන්න අනුර කුමාර, විජිත හේරත් වැනි අය අතට බලය ගැනීම පමණි.

0 Minute
Politics

සමුපකාර ව්‍යාපාරය ජනසතු කරනු!

ඔය විවිධ සේවා සමුපකාර සමිති කියන රාජ්‍ය ව්‍යවසාය සැබෑ සමුපකාර ව්‍යාපාරයක් වෙනුවෙන් පදනමක් ලෙස භාවිතා කරන්නට පුළුවන්. ඒකට ජවිපෙ මේ සිල්ලර කඩ ජාවාරමට හිරවෙන්නෙ නැතුව සමුපකාර ව්‍යාපාරය අධ්‍යයනය කරන්නට ඕනැ. ඔවුන්ට රාජ්‍ය පාලනය සඳහා ධාරිතාවන් නැහැ. මේ මට්ටමේදී හා පළාත් පාලන මට්ටමේදී ධාරිතාවන් ගොඩනගා ගන්නට හෝ ඔවුන් උත්සාහ කළ යුතුයි.

0 Minute
Economy

රුපියල ශක්තිමත් වෙලා විදේශ ණය බර අඩු වෙලා

ශ්‍රී ලංකාවේ රාජ්‍ය ණය තොගය 2024 අප්‍රේල් 30 වන විට රුපියල් බිලියන 803.2කින් හෙවත් 2.76% කින් කැපී පෙනෙන අඩුවීමක් සිදු වී ඇති බව මුදල් රාජ්‍ය ඇමති ශෙහාන් සේමසිංහ පවසයි. මෙම අඩුවීම 2023 දෙසැම්බර් 31 වන දින රුපියල් බිලියන 29,150.4 සිට රුපියල් බිලියන 28,347.2 දක්වා අඩු වී ඇත.

1 Minute
Economy

ශ්‍රී ලංකාව ISB ණය ප්‍රතිව්‍යුහගත කිරීමේ ගිවිසුමකට එළඹෙයි

2024 ජූනි 3 වන දින, ශ්‍රී ලංකාව සිය ණය ප්‍රතිව්‍යුහගත කිරීම සඳහා එහි පුද්ගලික ණය හිමියන් සමඟ පෙරළිකාර ගිවිසුමකට එළැඹි අතර, රාජ්‍ය පාලනය-සම්බන්ධිත බැඳුම්කරයක් (GLB) භාවිතා කරන පළමු රට බවට පත් විය.

1 Minute
Politics

ණය ප්‍රතිව්‍යූහගතකරණය දැන් කොතැනද?

ඩොලර් බිලියන 12කට අධික බැඳුම්කර පිළිබඳ ජාත්‍යන්තර ණය හිමියන් සමඟ සාකච්ඡා ඉක්මනින් නැවත ආරම්භ කිරීමට නියමිතය. බැඳුම්කර හිමියන් පිරිසක් පසුගිය සතියේ තොරතුරු රහසිගතව තබා ගැනීමට එකඟ වෙමින් ගිවිසුම් අත්සන් කළ බව රොයිටර් වාර්තා කළේය.

1 Minute
Economy

2019 – 2023 කාලයේ තීරු බදු රහිතව සුඛෝපභෝගී වාහන ආනයනය නිසා රටට රු. බිලියන 15ක් අහිමියි

2019-2023 කාලයේ තීරු බදු සහන මත ආනයනය කළ සුඛෝපභෝගී වාහන 3,645ක් හේතුවෙන් පමණක් ඩොලර් මිලියන 90ක් පමණ පිටරටට ඇදී ගොස්

1 Minute
Economy

ප්‍රාග්ධනය කෙන්යාවට ගිය හැටි හා ශ්‍රමය රුසියාවට ගිය හැටි

ඩයනා ගමගේ, ගෝඨාභය රාජපක්ෂ, කුමාර් ගුනරත්නම්
– අජිත් පැරකුම්, Praja.lk

ඩයනා ගමගේ, ගෝඨාභය රාජපක්ෂ, කුමාර් ගුනරත්නම් තුන්දෙනාම එක වගේ. මේ තුන් දෙනාම විදේශ රටක පුරවැසිභාවය ගත්තාට පස්සෙ අහිමි වුණ ලාංකීය පුරවැසිභාවය නැවත ලබා නොගත් නිසා ප්‍රශ්නවලට මුහුණ දුන් අය. මෙවැනි තවත් අය ලංකාවේ ඇති.

විදේශ රටක පුරවැසිභාවය ලබාගත්තාම ලංකාවේ පුරවැසි පනත අනුව මෙරට පුරවැසිභාවය ඉබේම අහිමි වෙනවා. නැවත ද්විත්ව පුරවැසිභාවයට අයදුම් කරලා නියමිත ගාස්තු ගෙවා එය ලබාගත යුතුයි. ඒත්, විදේශ පුරවැසිභාවය ලබාගත් රට එම ලාංකිකයා එරට පුරවැසිභාවය ලබාගත් බව මෙරටට නිල වශයෙන් දැනුම් දෙන ක්‍රමවේදයක් නොමැති නිසා ලංකාවට එය දැනගන්නට හැකියාවක් නැහැ.

ඒ නිසා බොහෝ අය ලංකාවේ පාස්පෝට් එක, හැඳුනුම්පත ආදිය පෙර පරිදිම භාවිතා කරමින් ලාංකික පුරවැසියන් ලෙස කටයුතු කරනවා. මෙවැනි අය වගකීම් සහිත පුරවැසියන් නෙමෙයි.

ඇමරිකානු පුරවැසියකු වී සිටි ගෝඨාභය රාජපක්ෂ අයියාගේ ලොකුකම නිසා ලංකාවේ පුරවැසිකම නොගත් බව පෙනෙන කෙනෙක්. ජනාධිපතිවරණයට ඉදිරිපත් වෙන්නට ගිය වෙලාවේ ඔහුට අධිකරණයෙන් සහන ලැබුණා. ඒත්, ඔහු ලංකාවේ පුරවැසිකම ලබාගත් බවට සාක්කි නැහැ.

කුමාර් ගුනරත්නම් ඕස්ට්‍රේලියාවේ පුරවැසිකම ලබාගත්තේ නොයෙල් මුදලිගේ යන නමින්. ඕස්ට්‍රේලියාවේ සිට ලංකාවට ආපු නොයෙල් මුදලිගේ ආපහු ගිහින් නැහැ. ඔහුට ආගමන හා විගමන පනත උල්ලංඝනය කිරීම සම්බන්ධයෙන් දඬුවම් ලැබෙනවා. පසුව කුමාර් ගුනරත්නම් යනුවෙන් ලංකාවේ සිටි පුද්ගලයා නැවත ලංකාවේ පුරවැසිභාවය ලබාගත් බව වාර්තා වුණා. ඒ නීතිමය ගැටලුවත් සම්පූර්ණයෙන් විසඳුණු එකක් නෙමෙයි. අමතක කර දැමූ එකක්. ඔහුටත් ලංකාව සහනයක් දීලා තියෙනවා.

ඩයනා ගමගේ සම්බන්ධයෙන් තියෙන ප්‍රශ්නයත් සංකීර්ණයි. ඇය ලාංකීය පුරවැසිකම ලබාගෙන නැති නම් දැන් ඉතින් කළ යුතු වන්නේ කුමක්ද? ඇය ලංකාවට පැමිණ මෙහි රැඳී සිටි බ්‍රිතාන්‍ය පුරවැසියකු නම්, දැන් කළ යුතුව තිබෙන්නේ ආගමන විගමන පනත උල්ලංඝනය කිරීම සම්බන්ධයෙන් ඇයට එරෙහිව නීතිමය ක්‍රියාමාර්ග ගෙන ආපසු බ්‍රිතාන්‍යයට යැවීමයි. එවැනි බරපතල උල්ලංඝනයන් සිදු කළ අයට ලංකාව වීසා හෝ නිකුත් කළ යුතු නැහැ.

ගෝඨාභය රාජපක්ෂ හෝ කුමාර් ගුනරත්නම් සම්බන්ධයෙන් ලංකාව එහෙම කළේ නැහැ. ඩයනාට එහෙම කරමුද? කෙසේ වෙතත්, පුරවැසිභාවය සම්බන්ධයෙන් වංචනික ලෙස කටයුතු කළ මෙවැනි පුද්ගලයන් කිසි සේත්ම විශ්වාස නොකළ යුතු අය බවයි මගේ නම් අදහස. ඒ අයමත් ඒ බව නැවත ඔප්පු කර තිබෙනවා.

විදේශිකයකු විසින් ලංකාවේ දේශපාලන පක්ෂයකුත් ලියාපදිංචි කරලා. අපේ ජාතික පෙරමුණ නම් එම පක්ෂය පසුව සමගි ජන බලවේගය ලෙස යළි නම් කරනවා. ඩයනාත් ඇගේ සැමියාත් අපේ ජාතික පෙරමුණේ තනතුරුවලින් ඉල්ලා අස් වූ බව කියනවා. දේශපාලන පක්ෂ කියන්නෙ ලංකාවේ ද්විතීය වෙළඳපොළේ අලෙවි වන සමාගම් වැනි ජාතියක්. ඩයනා කළ ‘පරිත්‍යාගය’ වෙනුවෙන් ඇයට ජාතික ලැයිස්තු මන්ත්‍රීකමක් ලැබෙනවා.

වර්තමාන විපක්ෂ නායකවරයා නියෝජනය කරන්නෙ ඒ පක්ෂය. ඩයනා පාර්ලිමේන්තු ආවෙත් ඒ පක්ෂෙ ජාතික ලැයිස්තුවෙන්. මේ පක්ෂයේ නීතිමය තත්වය කවුරු හෝ අධිකරණය ඉදිරියේ අභියෝගයට ලක් කරන්නට ඉඩ තියෙනවා. ඒක විසඳන්නට කාලයක් යයි.

1 Minute
Economy

සිටි ඔෆ් ඩ්‍රීම්ස් ශ්‍රී ලංකා හෝටලය හා කැසිනෝ ළඟදීම විවෘත වේ

මෙය ඉදි වෙමින් තිබෙන ‘සිටි ඔෆ් ඩ්‍රීම්ස් ශ්‍රී ලංකා’ ව්‍යාපෘතියේ ග්‍රැෆික් රූපයකි. මෙල්කෝ රිසෝට්ස් සහ දේශීය සමාගමක් වන ජෝන් කීල්ස්

1 Minute
Economy

අර්ථසාධක හිමියන්ට කෙළ වුණාද?

එබැවින් දේශීය ණය ප්‍රතිව්‍යුහගත කරණයේ දී ඉහළ පොළියක් සහතික කිරීමෙන් අර්ථසාධක අරමුදලේ ගිණුගිනුම් හිමියන්ට සිදු වී ඇත්තේ පාඩුවක් නොව වාසියකි.

1 Minute
Economy

ණය ප්‍රතිව්‍යුහගත කිරීම හා ඩොලරයේ මිල

මෙම තත්ත්වය තුළ බැංකු විසින් ඉදිරි මාසයක හෝ දෙකක පමණ කාලය තුළ තමන්ගේ විදේශ සංචිත ගොඩ නගා ගැනීම සඳහා ඩොලර් එකතු කරන්නට ඉඩ තිබෙනවා. මෙහි ප්‍රතිඵලය වන්නේ නැවතත් ඩොලරයක මිල මත පීඩනයක් ඇති වීමයි. කෙසේ වුවද මෙය තාවකාලික තත්ත්වයක් වන අතර බැංකු විසින් ප්‍රමාණවත් විදේශ සංචිත එකතු කර ගැනීමෙන් පසුව ඩොලරයක මිල නැවතත් ස්ථාවර වීමට නියමිතයි.

1 Minute