බඹරා නිරිත දිගින්ම ආවේ ඇයි?
ප්රවීණ ගේය පද රචක මඩවල එස්. රත්නායකයන් විරචිත, පණ්ඩිත් ඩබ්ලිව්. ඩී. අමරදේවයන්ගේ සුගායනයෙන් ඔපවත් වූ “බඹරෙකු ආවයි නිරිත දිගේයා” ගීතය සියුම් ධ්වනිතාර්ථ සහ සංකේත භාවිතය අතින් සුවිශේෂී ස්ථානයක් හිමි කර ගනී. සරල ජනකවි ආරක් සහ ලාලිත්යමය බස් වහරක් ඇසුරින් රචනා වී ඇති මෙම ගීතය, බාහිරින් පෙනෙන ප්රේමණීය ස්වරූපයට වඩා ගැඹුරු ඛේදවාචකයක් සහ සමාජීය යථාර්ථයක් සඟවා ගෙන සිටියි. විශේෂයෙන්ම මෙහි පළමු පදයේ එන “නිරිත දිගේයා” යන යෙදුම පිළිබඳව ඇතැම් රසිකයන් අතර පවතින ජනප්රිය මතයක් වන්නේ ‘අනංගයාගේ නිවස නිරිත දිශාවේ පිහිටා ඇති නිසා’ රචකයා මෙම යෙදුම භාවිත කර ඇති බවයි. එහෙත් සාහිත්යමය, භාෂාමය සහ පුරාණෝක්ති (Mythological) මූලාශ්ර විමසීමේදී එම මතය පදනම් විරහිත බව තහවුරු වේ.
Continue Reading




















